uriola.eus

Ikuskizun eta ekitaldietako teknikariek alarma egoeran jarraitzen dutela salatuko dute gaur Bilbon

  Jendartea  Bilbo

Pairatzen ari diren "egoera jasangaitza" salatzeko gaur goizeko 11:00etan kontzentrazioa deitu du Teknikariok sindikatuak Eusko Jaurlaritzaren egoitzaren aurrean.

Koronabirusak eragindako itxialdia hasi zenetik langabezia mugagabean murgilduta aurkitzen dira ikuskizun eta ekitaldietako teknikariak.  "Erakundeen abandonua eta sektorearen langabeziaren igoera larria" salatu dute azken hilabeteetan behin eta berriz, izan ere, kulturara bideratu diren dirulaguntzek sektorearen zati txiki bati soilik egiten diete mesede.

Eusko Jaurlaritzari sektorearen baldintzak kontuan hartzeko eta "alarma egoera etengabean daudela" jakitera emateko kontzentrazioa deitu dute gaur kale nagusiko 85.zenbakian, Eusko Jaurlaritzaren egoitzaren aurrean.  

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa