uriola.eus

200 mendizalek parte hartu dute Bilboko Konpartsen mendi-ginkanan

  Kultura-aisialdia  Bilbo

Ekaineko azken asteburuan ospatutako ekintzan, parte hartzaileek objektu ezberdinak topatu eta hauekin Txosnagane mendian argazkia atera behar zuten. 

200 mendizalek parte hartu dute Bilboko Konpartsen mendi-ginkanan
Irudia: Bilboko Konpartsak | Ikusi handiago | Argazki originala

Atxurigorrirekin, Bolintxu Bizirik plataformarekin, Kalderapeko tabernarekin eta Iralako eta Bilbo Zaharreko jai batzordeekin elkarlanean konpartsek garatutako ekintza da Txosnaginkane orientazio ibilbidea. Bilbo inguruko mendi eta natura espazioak ezagutu eta disrutatzea helburu, guztira 200 lagunek hartu dute parte aurtengo ibilbidean. Ekimena "normaltasunez" burutu dela adierazi dute konpartsek. 

Bi sari nagusi izan ditu ginkanak, bide osoa osatu dutenen artean Kalderapeko Jatetxean bi pertsonentzako bazkaria zozketatu dute. Ibilbidean parte hartu dutenen artean aldiz, Bilboko Konpartsen material sorta eskuratu ahal izan dute zozketaren irabazleek.

Ibilbidearen ezaugarriak 

Antolakuntzatik adierazi dutenez, hiru ibilbide ezberdin izan ditu ginkanak. Lehena, San Adrian auzoan hasi eta Atxurin amaitzen dena, guztira 19,17 kilometroko bidea osatuz. Bigarrenak ordea 16,16 kilometro izan ditu eta Bilbo Zaharrean hasi eta Iralan amaitu da. Amaitzeko azken zirkuitua 11,2 kilometrokoa izan da eta Abusu eta Bilbo Zaharra inguruan antolatu da. 

Antolatzaileek azpimarratu dute Bolintxu errekak protagonismo berezia izan duela, izan ere, "Bilboko paraje natural bakarrenetakoa da eta mendizaleek asko estimatzen dute". Horrela Supersurren lanak direla eta, suntsitzeko mehatxupean dagoela gogoratu dute. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa