uriola.eus

Bertsotan trebatzeko karta jolasak kaleratu ditu Bertsozale Elkarteak

  Kultura-aisialdia  Bilbo

Bertsozale Elkarteak Lanku Kultur Zerbitzuarekin elkarlanean haurrek bat-batean egiteko karta jolasak atera ditu. Bertso eskoletan eta ikastetxeetan baliatzeko materiala da. 

Elkarteko irakasle lantaldean sortu dituzten karta jolasak sei karta sorta dakartza eta haurrekin bat-bateko ariketa ezberdinak lantzeko aukera ematen du: puntuari erantzutea (laguntza gisa oinak emanda), azken puntua eta oinak harturik kopla edo bertsoa osatzea, 4 edo 8 oinak emanda puntutan zein bertsotan egitea, gaiak sortzea (pertsonaiak, egoerak eta emozioak konbinatuz), errimatzen duten kartak lortu eta kantuan aritzea, eta pasa hitza jolasarekin asmakizunak igartzea.

Azaldu dutenaren arabera, bertso-eskola bakoitzari bilduma bana emango diote. Gainera, karta jolasak PDF fitxategian eskuratzeko aukera ere zabaldu dute, bertsoeskola.eus atarian. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa