uriola.eus

Meltown kolektiboaren sorkuntza-saioak izango dira Bilborock aretoan otsailetik ekainera

  Kultura-aisialdia  Bilbo

Bilboko eszena urbanoko kantariek, influencer-ek, ekoizleek eta bideografoek osatzen duten Meltown kolektiboak antolatutako kontzertuak, hitzaldiak eta musika-sorkuntzak, besteak beste, izango dira datozen hilabeteetan, otsailetik ekainera bitartean Bilborock-en. Lehenengo saioa otsailaren 17an izango da 18:00etatik 20:30etara.

Kolektibo horretako kideen arteko topaketarako eta sinergietarako gune bat sortzea da ekimenaren xedea. Horretarako, hainbat jarduera egingo dira, horien artean, bideo grabazioak, kontzertuak, hitzaldiak, workshop-ak musika-sorkuntzaz, sormenaz, edizio grafikoaz edo Social meda direlakoez, eta musika-joera berrien gaineko podcast-ak.

Saioetara presentzialki joateko aukerarik ez da egongo, baina grabatuak izango dira eta ondoren, Bilbo Gazte-ren sare sozialen bidez zabalduko dira jendeak ikusi ahal izateko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa