uriola.eus

Bilbobuseko 58. lineak ibilgailu gehiago izan ditzan aldarrikatuko du manifestazio batek larunbatean

  Jendartea  Bilbo

Bilbobusen 58. lineak hainbat murrizketa izan ditu azken hilabeteetan. Hori salatzeko Arestizabala, Altamira, Kobeta, Masustegi eta Mintegitxuetako auzo elkarteek manifestazioa deitu dute larunbatean arratsaldeko 17:30ean Altamiratik La Casillaraino. 

58. linea da egun Kobeta, Masustegi eta Mintegitxueta auzoak hiriarekin konektatzeko dagoen baliabide bakarra. Udan linea honen maiztasuna murriztu zuen Bilbobusek, eta horren ostean ordutegiak ez direla ohikotasunera itzuli salatu dute auzo hauetako elkarteek. Ondorioz, bertako auzokideek medikura, eskolara, erosketak egitera, lanera etab. joateko geroz eta zailtasun gehiago pairatzen dituztela azaldu du Bilboko Auzo Elkarteen Federazioak.

Bilbobusek bere aldetik, linearen murrizketa aurrekontu arazoen eta erabiltzaile kopuruaren beherakadaren ondorio bat dela azaldu du baina FAVBk erabiltzaileen kopuruaren inguruan egindako analisia "erabat okerra" dela dio, ez dutelako koronabirusak ondorioztatutako egoera kontuan hartu: konfinamendua, ERTEak, telelana, eskola, merkataritza eta ostalaritza itxierak... .

Lineak jasandako murrizketa salatzeko mobilizatzeko deialdia zabaldu dute larunbatean Kobeta, Masustegi, Mintegitxueta, Arestizabala eta Altamirako auzo elkarteek.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa