Puntua-trikot tailerrarekin hasiko da apirileko agenda. 4 saio eskainiko dituzte apiriletik ekainera bitartean jertse bat egiteko tailerrean eta Arantza Ares Ortegak eskainiko du Jitsi plataformaren bidez apirilaren 9an eta 30ean arratsaldeko 18:30ean. Tailerrarekin batera, hilaren 9an garagardo dastaketa literarioa egingo da 20:00etan Mario Birretiren eskutik.
Apirilaren 21ean Miren Agur Meabek “Nola gorde errautsa kolkoan” solasaldia egingo du Hamburgo Platz Bira Kultur Gunean arratsaldeko 19:00etan. Hurrengo egunean Berbalaguna-Mintzapraktika taldeekin batera Autu-mautua, online solasaldia, antolatu dute Jitsi aplikazioaren bidez 18:30ean. Itziar Aceves ingeniaria izango da bertan argindar fakturaz gehiago hitz egiten.
Azkenik, hilak 23an On Ekin Nutrizioako Andrea Larrea eta Nahia Zeziagak Afari On eta Osasungarriak tailerra eskainiko dute 18:30etan online bidez. Eta 28 eta 29an Nola Irakurri Nutrizio Ikerketak tailerra Indautxuko AEK Euskaltegian 17:30ean.