uriola.eus

Sindikatuek mobilizazioa egin dute espetxe politika normalizatu bat eskatzeko

  Jendartea  Bilbo

EAJ-PNV, EH Bildu, Elkarrekin-Podemos alderdiak eta ELA, LAB, UGT, CCOO, STEILAS, ESK, Hiru, Etxalde, EHNE, CGT eta CNT sindikatuak Plaza Eliptikoan mobilizatu ziren pasa den ostiralean, hilak 23, euskal presoen eskubideen alde egiteko asmoz, Sare Erakundearen Izan Bidea ekimenaren baitan.

Sindikatuek hilero egiten duten dinamika honen bidez, Espetxeetako Lege Orokorrak aurreikusten duena betetzeko eskatzen dute, “askatasunaz gabetzen duten zigorrak bete daitezen norbere ingurunetik deserrotu gabe”.

Beharrezkoa ikusten dute espetxe politika berri bat ezartzea “zigorrak familia eta gizarte errotze lekuetatik urrun bete ez daitezen”. Gainera, Covid-19aren egoera dela eta, presoak familia ingurunetik hurbilen dauden espetxeetara hurbil ditzatela eta hauentzako "osasun eta segurtasun baldintzak" hobetzearen aldeko neurri espezifikoak eskatzen dituzte.

Hori dela eta, espetxean dauden preso euskaldunek jasaten duten urruntzeari amaitzea eta espetxe politikan indarrean dagoen salbuespen egoera gainditu beharraren premia aldarrikatu nahi dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa