uriola.eus

Ernaik eraldaketa sozial baten aldeko manifestazioa deitu maiatzaren 7an

  Jendartea  Bilbo

Ernai Gazte Antolakundeak maiatzaren 7rako deitu duen manifestazioa Jesusen Bihotza plazatik abiatuko da 18:00etan. Honen bidez, gazteen “etorkizun eza” salatu eta “nekea eta haserrea” adierazi nahi dute.

Ernaik Naizi adierazi dionaren arabera, langileriaren eta zehazki gazteriaren prekarizazio prozesuak azken hilabeteetan azkarrago joan dira. Mobilizazio honen bidez, “larrialdi egoera” honen aurrean neurriak hartzeko eskatu nahi dute. “Etxebizitza eta enpleguaren problematikak larriagotu” direla adierazi dute. Gainera, orain dagoen osasun egoerak gazteen “osasun mentalean” eragin zuzena duela adierazi dute: depresioa eta suizidio kasuek gora egin dute azken hilabeteotan gazteen artean”.

Horren aurrean “eraldaketa sozial eta burujabetza” eskatu nahi dute ostiraleko mobilizazioan: “eraldaketa sozialean urratsak ematea inoiz baino beharrezkoagoa da, eta horretarako gehiengoak artikulatzea  egokitzen zaigu”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa