uriola.eus

Euskal Herriko tontorren igoera ekimena deitu du Sarek asteburuan

  Jendartea  Bilbo

Euskal Herriko tontorrak igotzeko ekimena antolatu du Sarek maiatzaren 8an, larunbata. Bilbotarrei Pagasarriko mendia igotzea egokitu zaie. Bi talde egingo dira. Lehenengoa Kepa Enbeitako plazan hasiko da 8:00etan eta Basarratetik, udaletxetik, Bilborocketik eta Iberdrolatik pasako dira. Bigarrena Botika Zaharran abiatuko da 8:15etan eta Euskalduna zubia eta Errekaldeko plaza gurutzatuko ditu. Beste aukera moduan, 11:00etan "ekitaldi zentrala" izango da Artxandako miradorean.

Erronka 650 mendi ezagunenak igotzea eta tontorretan presoen etxerako itzuleraren hasiera aldarrikatzea izango da. Gailurretara igotzeko plana urriaren 3an egitekotan zeuden, baina eguraldi txarra zela eta, atzeratu egin behar izan zuten. Sare-ren arabera, gero eta jende gehiagok osatzen dute ibiltarien sarea eta kilometroak batzen ari dira obejektibo “argi” batekin: “euskal presoen arazoak konpontzea eta bizikidetzaren eta bakearen alde aurrera egitea”.

Preso horien eta haien familien "eskubideak urratzen dituen salbuespenezko araubidearen amaiera” aldarrikatu nahi dute. “Gaixo dauden presoek eta adineko presoek kartzelan jarraitzea  eta haur motxiladunek umezurtz egoeran jarraitzea ahalbidetzen du salbuespen-araubide horrek”.

Horren aurrean, ekimen hau sortu dute. Goi, erdi eta behe mailako mendiak igoko dira, “guztiek parte hartzea” nahi dutelako: “Mendizale esperimentatuak; familiak; haurrak; helduak, zaharrak eta gazteak. Baita mendira urtean behin bakarrik igotzen diren pertsonak ere”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa