San Francisco auzoan gaurko aurreikusita zegoen etxegabetzea bertan behera gelditu da

Irudia: AZET Etxebizitza Sindikatua

Gaur goizeko 9:00etan haien etxetik kaleratzekoak ziren Judith eta bere lau hilabetetako alaba. Horren aurrean, San Franciscoko auzokideak hauen alde egiteko eta etxegabetzea salatzeko elkartu dira 8:30ean Cortes kaleko 9. atarian. Honi esker, eten egin dute kaleratzea.

Peio Almagro AZETeko kideak Naiz hedabidean adierazi du Covid-19a dela eta, Judith langabezian gelditu dela eta ezin izan dituela etxebizitzaren ordainketak egin. Hori dela eta, Bilboko Udal Etxebizitzak kaleratu nahi izan du.

Horren aurrean, asko izan dira bertaratu diren auzokideak eta “etxebizitza ez da negozioa!” lelopeko hauen aldarrikapenei esker, bertan behera utzi dute etxegabetzea.