uriola.eus

Kubaren blokeoaren kontrako itsasontzi solidarioak Bilboko itsasadarra zeharkatuko du igandean

  Jendartea  Bilbo

Kubako emigrazioko 60 elkartek baino gehiagok, sindikatuek, alderdiek eta Euskal Herriko kolektiboek, AEBek Kubari jarritako blokeoa kentzeko eskatzen dute eta horretarako bi ekitaldi antolatu dituzte. Datorren iganean, maiatzaren 30ean, itsasontzi solidario batek Bilboko itsasadarra zeharkatuko du 11:30ean eta 12:30ean kultur ekitaldia egingo dute Pio Baroja plazako ontziralekuan. Ekainaren 23an, berriz, elkarretaratzea deitu dute. Nazio Batuen Batzar Nagusian bozkatzearekin batera, egun horretan Kubaren aurkako politika horren amaiera eskatuko zaie AEBei 29. aldiz.

Elkarteen arabera, AEBen blokeoak inoiz ez bezala eragin du herrialdeko bizi-baldintzetan. Izan ere, pandemiaren ondorioz, Kubako diru-sarrera gutxitu ditu, eta, ondorioz, hornidurarik gabe daude herrialdean. Horregatik, 28 ebazpenak ez ezik, bere hautesleei agindutako Donald Trumpek garatutako “itotze ekonomikoko politika” itzultzea eskatzen diote Joe Bideni.

Blokeoa indargabetzea ez da lehendakaritzaren erabakia, AEBko Kongresuaren lege baten beharra du, baina “aukera historiko gisa, gaur egun, Alderdi Demokrata da nagusi”. Edozein urrats eragoztea eta aldebiko elkarrizketa berrabiaraztea dira Kubaren aurkako presio politiko eta mediatiko bortitzaren eragileak direla adierazi dute.

Momentu honetan, Kuba bere populazioa osoa inmunizatzeko  prestatzen ari dela jakinarazi dute erakundeek, baina blokekoak oztopatu egiten du material erostea. Hori dela eta, erakundeek funtsak biltzeko nazioarteko Jeriguillas para Cuba kanpaina babesten dute “irlako txertaketa babesteko”.

Egoera honen aurrean, deitutako bi deialdietara batzera animatu nahi dute jendea, haiekin batera Kubaren alde egin dezaten “Biden entzun mundua: Unblock Cuba” lelopean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa