uriola.eus

Petronor, Tubacex, UTE Bilboko Argiak eta PCB enpresa-batzordeek manifestazioa deitu dute bihar

  Jendartea  Bilbo

Petronor, Tubacex, UTE Bilboko Argiak eta PCB enpresa-batzordeek “4 enpresa, borroka 1” lelopeko manifestazioa deitu dute bihar, maiatzaren 28an, enplegu duin baten alde borrokan jarraitzeko asmoz. 12:00etan abiatuko da hiru toki ezberdinetatik: Guggeheim museotik, BBK eraikina eta Azkuna Zentroa. Bat egingo dute Moyua plazan eta Eusko Jaurlaritzaren egoitzaren aurrean bukatuko da.

Petronor, Tubacex, UTE Bilboko Argiak eta PCB enpresa-batzordeek manifestazioa deitu dute bihar
Irudia: Ecuador Etxea | Ikusi handiago | Argazki originala

Enpresa-batzorde bakoitzak bere “berezitasunak” dituen arren, pandemiak sortutako egoera “beren etekinak handitzeko baliatzen dituzten multinazional handien aurrean”, denek haien eskubideak defendatzen dituztela adierazi dute. Izan ere, zuzendaritzak gobernuen kudeaketa haien alde dutelako jakinarazi dute eta gobernuek negozioa lehenesten dutela diote: “pertsonen osasunaren aurrean, negozioa lehenesten duten politikak sustatzen dituzte”.

Neurri eta sektore ezberdinetako enpresak dira eta bakoitza prekarizazio prozesuaren fase ezberdin batean dago, baina borroka berean “elkarren eskutik” doaz eta orain lau enpresa izan arren, argi dute aurrerago gehiago izango direla.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa