uriola.eus

Auzoetako osasun zentroak itxi egingo dituzte arratsaldez

  Jendartea  Bilbo

Ekainaren 15etik abuztuaren 31ra bitartean auzoetako osasun zentroak arratsaldeko 17:00etan itxiko dituzte, Bilboko ESIko Lehen Mailako Arretako zuzendariak Bilboko Auzo Elkarteen Federazioko ordezkaritzari adierazitakoaren arabera. 

Arratsaldeko 17:00etan osasun zentroetako aurrez aurreko arreta itxi ostean, Deustuko, Errekaldeko, Begoñako eta Indautxuko Etengabeko Arreta Guneak izango dira arratsaldeko 20:00ak arte zabalik egongo diren bakarrak. 

Erabaki honek zerbitzua "okertu" dezakeela dio Bilboko auzo-mugimenduak, batez ere egun bizi dugun osasun krisi egoeran, aurrez aurreko arreta eta ordutegiak murrizten jarraitzen badira. Horrez gain Osakidetzak kalitatezko osasun publikoko zerbitzu deszentralizatua eta hurbila bermatzeko zerbitzua "indartu" behar duela dio. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa