George Floyden erailketaren urteurrenean ekintza egin dute Bilboko epaitegien aurrean

Irudia: Ecuador Etxea

2020ko ekainaren 6an Derek Chauvin poliziak George Floyd hil zuen belaunarekin lepoa zapaldu eta ito ostean. Urtebete geroago, Euskadiko Komunitate Beltzak, Afrikarrak eta Afrikar-ondorengoak Bilboko justizia epaitegien aurrean kontzentrazioa burutu du Floyden omenez. 

Elkarretaratzean besteak beste, arrazakeria instituzionala ez dela soilik AEBtan gertatzen adierazi dute: "arrazakeria instituzionalak eta sozialak bizitza beltzen aurka egiten duela ikusten dugu munduko hainbat lekutan, modu zuzenean indarkeria fisikoaren eta ahozkoaren bidez, baita zeharka ere, menderatze ekonomiko, sozial, administratibo eta juridikoaren bidez". 

Horrekin batera, gogoratu dute EAE dela Espainiako estatuan arrazakeria eta xenofobia delitu gehien ematen diren autonomia erkidegoetako bat, eta estatuan ematen diren lau delituetatik bat Euskadin gertatzen dela.