uriola.eus

Bertsolari gazteen finala jokatuko da astelehenean Bilbon

  Kultura-aisialdia  Bilbo

29. BBK Sariketako txapela Lea Artibai eta Uribe Kosta taldeek jokatuko dute azaroaren 29an, Kale Nagusiko BBK Aretoan (18:00etan). Sarrera doakoa izango da, baina gonbidapenak hartu beharko dira aurrez.

 

Bertsolari gazteen finala jokatuko da astelehenean Bilbon
Lea Artibaiko bertsolariak finalaurrekoan (argazkia: Bertsozale Elkartea) | Ikusi handiago | Argazki originala

Uribe Kostako taldea izan zen finalerako sailkatzen lehena, finalaurrekoan Uribe Butroek baino puntu gehiago eskuratuta. Lea Artibaikoek, aldiz, Busturialdea garaitu zuten.

Zortzi taldek eta 48 bertsolarik hartu dute parte, guztira, sailkapen probetan. Saio bakoitzean taldeko sei pertsonak hartu dute parte Bizkaiko Bertsozale Elkartearekin eta Ikastolen Elkarteko Bertsolaritza sailarekin lankidetzan antolatutako BBK sariketan. 1992. urteaz geroztik dago martxan egitasmoa.

Aurtengo honetan, finaleko epaimahaia Beñat Romerok, Leire Etxebarriak eta Miriam Juaristik osatuko dute. Saioa 18:00etan hasiko den arren, ateak 17:30ean irekiko dira, eta sartu ahal izateko gonbidapenak (doakoak) esteka honen bidez eskura daitezke.

 

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa