Alerta laranja gaur eta bihar

Azken egunotako eguraldiak ez du hobera egingo momentuz, eta euri-jasa handiak espero dira datozen orduetan. Hori dela eta, udalak zuhur eta kontuz ibiltzeko eskatu die hiritarrei.

Gaurko 09:00etatik hasi eta biharko (ostirala) 15:00ak arte, Bilbo alerta laranja egoeran egongo da balizko euri-jasa bortitzengatik. Hori aintzat hartuta, honako prebentzio neurri hauek hartzeko gomendioa luzatu die udalak hiritarrei:

  • Ahal dela errepidean ez ibiltzea, eta automobila erabili behar izanez gero, behar diren zuhurtasun-neurri guztiekin ibiltzea leku irekietan, pasabide goratuetan eta uholdeak har ditzakeen inguruetan.

·        Uholdeak har ditzakeen lekuetan ez aparkatzea.

·        Uholdeak hartutako espaloietan eta errepideetan ez ibiltzea. Litekeena da erregistro edo kutxatilaren bat estalkirik gabe egotea, barrura erortzeko arriskuarekin.

·        Kontu handiz ibiltzea mendi-magaletako balizko lubiziekin, bereziki joan-etorriko eremuetan.

Bilbon itsasadarrak gainezka egiteko arriskua egon daitekeela aurreikusi dute, eta horren aurrean jarduteko baliabideak prestatu dituzte.

Larrialdietarako telefono zenbakiak zeintzuk diren gogorarazi nahi izan du Bilboko Udalak:

-SOS Deiak: 112

-Udaltzaingoa: 092