Kuartelaren aurkako ekintza zuzena gauzatu dute antimilitaristek

uriola.eus 2021ko abe. 18a, 12:51
Deskargatu Info Ahotsak :

Gastu militarra salatzeko eta kuartela botatzeko aldarriak zabaldu dituzte goizeko ekintzaren bidez (Argazkiak: KEM-MOC)

Juan de Garay kaleko eraikina eraisten hasi dira KEM-MOC taldeko zenbait aktibista, #BotaKuartela lelopean, eta espazio hori auzoarentzako berreskuratzeko aldarria zabaldu dute; halaber, datorren urterako aurrekontuetan sartutako gastu militarra gaitzetsi dute.

Goizeko hamaikak aldean egin dute KEM-MOC taldekoek ekintza ez-biolentoa, Juan de Garay kaleko kuartel militarra eraisteko helburua zuena. Ekintza horretan, bi ekintzailek "Bota Kuartela" margotu dute instalazioa eraldatzen hasteko, bi ekintzaile eraispenarekin hasi diren bitartean, eta beste bi ate nagusian eskegi dira "Gastu militarra 43.000 milioi €" zioen pankarta batekin, 2022rako onartutako gerrarako aurrekontuari erreferentzia eginez. Sare sozialen bidez zuzenean zabaldu dute aktibistek beren ekintza.

Ertzaintza bertaratu da Juan de Garay kalera, eta parte hartu duten sei aktibistak identifikatu ditu. Ondorio legalak egongo direla aurreikusten dute, beraz.
 
Ekintza horrekin, #BotaKuartela kanpainaren baitan, antimilitaristek armadaren instalazio horren existentzia salatu nahi izan dute, eta aldarrikatu dute, horrelako beste instalazioek bezala, ez lukeela funtzionamenduan jarraitu behar. Gainera, adierazi dute kuartelak Irala auzoari kentzen dizkion 6.500 m2 horiek auzoaren eta hiriaren premietara bideratu beharko liratekeela. Ekintza egin duen talde antimilitaristak, KEM-MOC taldeak, gerren prestakuntzetarako bideratuta dagoen instalazio ororen harresiak botra beharko liratekeela azpimarratu du.
 
 
Gizartea