Bilboko Udaleko Mugikortasun eta Jasangarritasun Sailak jakinarazi nahi du bihar, abenduaren 24an (barikua), Bilbobusen linea guztien azken irteerak 20:00etatik 20:30era bitartean egingo direla eta tarte horretan, astegunetako ohiko ordutegia izango dela. Barikutik zapatura bitarteko gauean ez da gautxori zerbitzurik egongo.
Abenduaren 25ean (zapatua), lehenengo irteerak 09:00etan izango dira. Zapatutik domekara bitarteko gauean Gautxori zerbitzua ohi legez ibiliko da.
Informazio gehiago geralekuetan, udalaren web-orrian (www.bilbao.eus/bilbobus), sare sozial ofizialetan eta 010 telefonoan (944 010 010).
Bestalde, Artxandako Funikularrak, barikuan, abenduaren 24an, 21:00etan egingo du bere azken zerbitzua. Biharamunean, abenduaren 25ean (zapatua), zerbitzua 9:15etik 14:30era eta 16:30etik 22:00etara emango da.