Bilbo
Mayling Martínez, Marlen Sánchez eta Guadalupe Esquivel Nikaraguatik eta El Salvadorretik iritsiko dira, euskal emakume nekazariekin esperientziak partekatzeko. Martxoaren 30ean, 18:30etan, Bilboko Hika Ateneo aretoan izango dira agroekologiari eta feminismo baserritar eta herrikoiari buruzko solasaldi batean parte hartzeko EHNE nekazarien euskal sindikatuarekin batera.
Mayling Martínez eta Marlen Sánchez Nikaraguako ‘Ixim Ulew’ Institutu Agroekologiko Latinoamerikarreko eta La Via Campesina mugimenduko kideak dira. Guadalupe Esquivelek El Salvadorretik bidaiatuko du Erdialdeko Eskualdeko Nekazaritza Erreformako Kooperatiben Federazioaren (FECORACEN) eta La Via Campesinaren ordezkari gisa.