Kiroldegien erabilgarritasuna hobetzeko asmoz, hauetan sartzeko eskuturrekoa sortu du Bilbao Kirolak. "Arina eta erosoa" izango den gailuak kiroldegietan sartzeko balio izango du, txartelarekin egiten den moduan. Bestalde, funtzionalitate gehigarriak izango ditu etorkizunean. Uneoro jantzita eramateko prestatuta egongo da; igerilekuan ere, erabiltzaileek ez galtzeko. Nobedade hau Bilbao Kirolak-en zerbitzuen berrikuntzaren prozesuaren barruan dator.
Web orriaren bidez eskura daiteke edo 11 kiroldegietako edozeinetan erosketa agiria erakutsi ostean. Fisikoki ere, erosi ahalko da. Bi neurritakoak izango dira; helduentzako eta txikiagoak adingabeentzat. Bost euroko prezioa izango dute baina ez dira nahitaezkoak izango. Gaur egungo txartelak kiroldegietan sartzeko erabiltzen jarraitu dezakete erabiltzaileek.