Aste Nagusiko kartelen lehiaketako sei finalistak ezagutzera eman dituzte

Bihartik eta ekainaren 15era arte izango dute herritarrek beren gogokoena hautatzeko aukera. Abandoko udaltegian zein www.bilbao.eus webgunean egin daiteke. Abuztuaren 20tik 28ra izango dira jaiak, pandemia osteko lehenengoak.

Herritarren eta epaimahaiaren artean hartuko dute behin betiko erabakia. Lehenengoen bozkek %66ko pisua izango dute, eta epaileenek, berriz, %33koa. Azken hori diseinu grafikoaren arloko adituek eta Bilboko Konpartsen zein udalbatzaren ordezkariek osatuko dute.