Urtarrilaren 5ean 18:00etan abiatuko dira Meltxor, Gaspar, Baltasar eta haien segizio guztia Kale Nagusitik, María Díaz de Haro kalearen aldamenetik, eta erdigunea zeharkatuko dute etxeko txikienak zein nagusiak agurtzeko, gauean etxerik etxe opariak banatzen hasi baino lehen.
Ordu eta erdi inguruko ibilbidearen ostean, udaletxera iritsiko dira, eta bertan alkateak harrera egingo die. 19:30ak aldean izango da hori. Jarraian, hiritar guztiak agurtuko dituzte balkoi nagusitik. Eta, ondoren, haurrei harrera egingo diete hiru erregeek Arabiar aretoan. Bada, harrera horretan parte hartzeko 800 sarrera jarri ditu eskuragarri udalak gaur goizean eta dagoeneko agortu dira.
Aintzat hartu behar da Errege Kabalgatak aldaketak eragingo dituela zirkulazioan, baita Bilbobus zerbitzuan ere.