Hainbat talde antimilitaristek, ekologistek eta internazionalistek gerraren, gastuaren eta industria militarraren aurkako hamabosgarren bizikleta martxa antolatu dute apirilaren 15ean. ‘Bizi martxa’ deituriko aldarrikapenak Bizkaiko Foru Aldundiaren Jauregian izango du hasiera, 11:00etan.
Bertatik, bizikleta tropela bat abiatuko da Bilbo Handiko arma fabrika garrantzitsuenekin kolaboratzen duten enpresen filialen aurrean kontzentratzeko. Horren helburua, arma sektoreko euskal enpresekin erakundeen inplikazioa gero eta handiagoa dela salatzea da.
Deialdia egin duten kolektiboek adierazi dutenez, Euskadi estatuko hirugarren autonomia erkidegoa da ekoizpen militarrean: “Defentsa Ministerioaren datuen arabera, ehun eta bat dira industria militarrerako ekoizten duten euskal enpresak, eta Euskadik urtero 750 milioi euro fakturatzen ditu horren bitartez”.
Bizikleten martxan, gastu militarrak dakarren baliabide ekonomikoen “xahuketarekin amaitzea” eskatuko dute manifestariek.