Erakusketa FANT Bilboko Zinemaldi Fantastikoaren 29. edizioaren baitan ospatuko da, maiatzaren 5etik 13ra Bilboko Udalaren eskutik izango dena. Jaialdiaren aurreko jarduera gisa, gainera, topaketa bat antolatu da DC Comics-eko ilustratzaile Jon Mikel Bañalesekin; euskal mitologiari buruzko rol jokoen jardunaldi bat; eta, Cine Club FASekin lankidetzan, Aitor Elorriagaren “El Cometa”, film laburraren proiekzioa eta Alberto Vazquezen “Unicorn Wars” proiektatuko dira.
Aurkezpenean FANTeko zuzendari Justo Ezenarrok eta erakusketaren ilustratzaile eta sortzaile Raquel Alzatek parte hartu dute. “Mitologika” euskal mitologiako pertsonaia nagusien irudi-galeria bat da. Zugarramurdiko sorginak, Mari jainkosa, Gaueko, Jentilak eta Basajaun, jainko, deabru, iratxo eta erraldoiekin batera, mendeetan zehar iruditerian egon diren euskal mitologiako pertsonaien erakusketa honen protagonistak dira, belaunaldiz belaunaldi transmititutako ehunka kontakizunen bidez. Ilustrazioen erakusketa honek antzinako izaki mitologikoei buruzko ikuspegi irudimentsu eta garaikidea ematen du. Erakusketa doakoa da eta 8:30etatik 21:30etara bisitatu ahal izango da maiatzaren 12ra arte.