Gaur, apirilak 17, martxan jarri da Bilboko Udalak antolatutako Laguntza Digitalerako Guneen zerbitzua. Horretarako, 9 gune finko zehaztu dira, arretarako, orientaziorako eta formaziorako. Horrekin batera, beste bi zerbitzu ibiltari ere izango dira.
Finkoak diren gunean udaltegietan daude kokatuta: Deustun, Otxarkoagan, Santutxun, Ibaiondon, Errekalden, Zorrotzan eta Basurtun. Horiekin batera, Azkuna Zentroan ere zerbitzu hauetako bat kokatu dute.
Laguntza Digitalerako Gunea izapideak eta kudeaketak online egiteko laguntza behar dutenei lagun egiteko eta gidatzeko emateko sortu da, baita teknologiaren alorreko gai eta gaitasunetan prestakuntza emateko ere.
BARRUTI BAKOITZEKO ZERBITZUA
Laguntza Digitalerako Gunea modu iraunkorrean egongo da, baina guztiek ez dute ordutegi bera izango:
- Deustuko Udaltegia, asteazkena, osteguna eta ostirala, goizez.
- San Agustingo Herritarren Arretarako Bulegoan, astelehenetik ostegunera, goizeko ordutegian, eta ostegunetan, arratsaldeetan.
- Otxarkoagako Udaltegian, astelehena, asteartea eta ostirala, goizeko ordutegian.
- Santutxuko Udaltegian, astelehena, asteartea, eta osteguna, goizez.
- Ibaiondoko Udaltegian, astelehena, asteartea eta ostirala, goizez.
- Azkuna Zentroan, asteazkena eta ostirala, goizez.
- Errekaldeko Udaltegian, asteazkena, osteguna eta ostirala, goizeko ordutegian.
- Basurtuko Udaltegia, astelehena, asteartea eta asteazkena, goizeko ordutegian.
- Zorrotzako Udaltegia, osteguna eta ostirala, goizeko ordutegian.
Eta modu ibiltarian, apirilaren 26tik aurrera, hemen:
- Elexabarriko Aterpetxean, astelehenean, arratsaldez.
- Ibaialde Liburutegian, Abusun, asteazkenetan, arratsaldez.