Bilboko Udalak maiatzaren 5etik ekainaren 5era arte zabalduko du Aste Nagusiko Bilbao Metal Pop-Rock Erakustaldian partea hartzeko izena emateko epea. Urtero bezala, udalaren web-orrian soilik eman daiteke izena.
Jaialdi honetan, taldeek zein bakarlariek parte hartu ahalko dute. Taldeen kasuan, aldiz, irizpide bakar bat bete beharko dute: kideetako bat, gutxienez, Bizkaian erroldatuta egon beharko da. Generoari dagokionez, jazza ez ezik, jaialdiak musika-estilo guztiak onartuko ditu.
Erakustaldian parte hartuko duten hamasei talde eta artistak aukeratzeko, epaimahaiak aintzat hatuko du, bereziki, emakumeek eratutako taldeak eta euskaraz egindako lanak. Era berean, hautatutakoek 45 eta 50 minutu arteko kontzertua eskaini ahal izango dute.
Aurkeztu beharreko dokumentuak
- 4 gai original, mp3 edo wav formatuan.
- Argazki bat jpg, bmp edo png formatuan.
- Artistaren edo taldearen historiala/biografia, doc, docx edo pdf formatuan.