40 urte bete dira Athleticek Gabarra lehen aldiz Bilboko Itsasadarretik atera zuenetik. Egun hartan, 1982-83 denboraldian lortutako liga titulua ospatzera irten ziren zuri-gorriak, 1956tik lortzen ez zuten arrakasta. Gertaera hau hurrengo urtean errepikatuko zuten, taldeak lortutako azken garaipena handiarekin (liga eta kopa).
Gaur egun, oraindik ere, hiriko kaleetan ospatutako jai handienetarikoa izan balitz bezala gogoratzen dute bilbotarrek. Izan ere, milioi bat pertsona inguru bildu ziren itsasadarraren ertzetan txapeldunei harrera egiteko asmoz.
Urte bat geroago, 1984ko arrakastarekin festa handia berriro ere ospatzea lortu zuten. Harrezkero, ez da ontzi zuri-gorririk ikusi Nerbioi ibaian zehar nabigatzen, Bilbon bizi den tituluen lehortearen isla.
Depresio soziala
1980ko hamarkada albiste garrantzitsu batekin hasi zen: Jose Angel Iribar futbolari izateari utziko zion. Berritze urteak izango diren, beraz. Javier Clementeren aginteetara, beste lehoi kumaldi berri bat iritsiko zen Lezamako harrobira.
Horrekin batera, azpimarratu beharra dago egoera soziala ere ez zuela poztasun handirik ematen. Industria-birmoldaketak eta % 20tik gorako langabeziak inoiz ez bezala astintzen zituen itsasadarraren ertzak. Ezerk ez zuen baikortasunera gonbidatzen.
Hala ere, ereserkiak dioen bezala, "herritik sortutako" taldeak hiriari alaitasuna eta poza ekarriko zion.
Garaipenerako bidea
1983ko maiatzaren 2an, Athletic Club ligako txapeldun izendatu zen bere historian zazpigarrenez. 27 urte igaro ziren Piru Gainza mitikoak garaikur hori altxatu zuenetik, eta hamar Bilbora titulurik ekartzen ez zutenetik.
Andoni Zubizarretak talde zuri-gorriko atearen agintea bereganatu zuen, "Txopo" mitoa ahantzaraziz. Bestalde, 1982ko Munduko Koparako San Mames birmoldatzeak azpiegitura hobea eta edukiera handiagoa emango zion Katedralari.
Testuinguru horretan, euskal taldeak txapeldun izateko aukerekin jokatuko zuen ligako azken jardunaldia. Eta hala lortu zuten. Las Palmasen aurka lortutako 1 eta 5ekoak, Real Madrilek Valentzian jasotako porrotarekin batera, bestela lortu ezin zuen poza eman zion Bizkaiari.
Gabarra
Kanariar Uharteetan lortutako garaipenaren ondoren, Clementeren taldea Bilbora abiatuko zen, zer aurkituko zuten jakin gabe. Milioi bat pertsona inguru bildu ziren itsasadarraren ertzetara taldea agurtzeko nahian. Inoiz ikusi ez den harrerarik jendetsuena.
Taldea gabarrarekin atera zen Portu Zaharreko Itsas Klubetik San Anton zubirantz, traineru bizkaitar askorekin batera. Bizkaia osoa han zegoela zirudien; izan ere, Labe Garaietako jantzi urdinek ere bertan ziren, ezkerralde osoa koloreztatuz. Haurrek jai izan zuten ikastetxeetan, eta unibertsitateko ikasleek ere "huelga del alirón" greba deitu zuten ospakizunetara joan ahal izateko.
Egun oparoak. Gure historiaren parte den garaipen eta ospakizun historikoa. Futbolzale eta bilbotar guztien oroimenean betiko grabatuta geratuko zen hiru orduko ibilbidea.