Gaur, ekainak 9, ELAk deituriko 4 greba egunetako lehena izan da, Bilboko Jesusen Bihotza Plazan. Bertan, eraikuntza-sektoreko langileek KPItik beherako soldata-igoerarik ez dutela onartuko salatu dute. Aldi berean, CCOOk ere manifestazio jendetsua antolatu du ostiraleko lehen orduetan.
Sindikatuak azaldu duenez, Patronalaren proposamen "eskasa" ikusita, sektorean lan egiten duten pertsonak mobilizatzera erabaki dute, "enpresen onurekin bat datozen soldata igoerak lortzeko". Hala ere, balioan jarri du Bizkaiko Eraikuntzan lehen greba egunaren jarraipena.
Horrenbestez, lehen greba eguna amaituta, ELAk hurrengo greba-egunetan parte hartzeko deia egin du: ekainaren 16an, 19an eta 20an.
"Edukirik gabeko hitzarmena"
Elkarretaratzean, Arrate Elkoro Zengotitabengoak azpimarratu egin du ASCOBIk, CCOOk eta UGTk sinatutako hitzarmena ez dela nahikoa: "Soldata igoera blokeatuta dago. Lau urteko hitzarmena sinatu zuten ASCOBIk CCOOk eta UGTk orain dela bi urte. Baina azkenengo bi urteetako soldata igoerak adostu gabe daude".
Horrekin batera, sindikatuak hitzarmenak sinatzearen alde dagoela argi utzi du bozeramaileak: "Guk hitzarmenak sinatzen ditugu, baina edukiak dituen hitzarmenak. Edukirik gabeko hitzarmenak ez ditugu sinatzen".
Sektore sakabanatuta
ELA sindikatuak pozik agertu da grebaren jarraipenarekin, sektore sakabanatu honetan. Izan ere, CCOOk, bere partez, bestelako manifestazioa antolatu du egun berean Bilboko kaleetatik.
CCOOk goizeko 8:00etan manifestazioa egin du EITBren Bilboko egoitzatik ASCOBI patronalaren egoitzara.
Kontuan izan behar da CCOOk % 48ko ordezkaritza duela Bizkaiko eraikuntzan, eta ELAk % 32,75ekoa.
[ZUZENEAN] Hasi da Bizkaiko eraikuntzaren sektoreko lau greba egunetako lehena, @AscobiB patronalaren aurrean
— Bilboko Uriola (@uriolaeus) June 9, 2023
📢 Langileek KPIaren araberako soldata-igoerak eskatzen dituzte
🗣 @ELABilbo pic.twitter.com/5sZsf1jiGl