Uztailaren 5ean, 19:30etan, Bilboko Areatzan

Palestinar Herriarekin Elkartasun mugimenduak elkarretaratzea deitu du Jenin hirian egindako azken erasoa salatzeko

uriola.eus 2023ko uzt. 5a, 12:39
Deskargatu Info Ahotsak :

2019ko Palestinar herriarekin nazioarteko elkartasun eguna, Bilboko Areatzan. Argazkia: Komite Internazionalistak.

Elkarretaratzea gaur, hilak 5, eramango da aurrera Bilboko Areatzan, 19:30etan.

Gaur, hilak 5, Palestinar Herriarekin Elkartasun mugimenduak elkarretaratzea deitu du Israelgo armadak Jenin hirian 20 urtez burutu duen eraso handiena salatzeko. Aipatutako elkarretaratzea Bilboko Areatzan izango da, 19:30etan.

Hain zuzen ere, igandean hasi zen erasoan gutxienez 10 palestinar hil ditu Israelgo armadak, horien artean adingabeak. Erasoak, gainera, 100 zauritu baino gehiago utzi ditu ere.

Horrenbestez, herri palestinarrarekiko elkartasuna eta Estatu sionistaren erasoa salatzeko deia egin du Palestinar Herriarekin Elkartasun mugimenduak.

Gizartea