Bilbobuseko langileek hirugarren greba eguna izan dute astelehen honetan, Bilboko udaletxearen aurrean egindako elkarretaratzearekin. Bertan, langileek eskubideak mantentzea aldarrikatu dute.
Grebak eragindako lanuzte partzialek 8 orduko eragina izango dute zerbitzuan, lau goizez eta lau arratsaldez. Hori horrela, langileen % 100eko babesa izan du grebak.
Guztira, hamar greba egun deitu dituzte, eta abenduaren 21ean, San Tomas egunean, 24 orduko grebarekin amaiera emango diote erreibindikazioari.
"Aldarrikapenekin tinko"
Langileek adierazi dutenez, grebarekin jarraituko dute akordio batera heldu arte: "Aldarrikapenekin tinko jarraitzen dugu, baita enpresarekin negoziatzeko intentzioarekin ere". Horrekin batera, Bilboko Udaletxearen esku-hartzea eskatu dute, arazoaren konponbidea bermatzeko.
Amaitzeko, Bilbobuseko langileek barkamena eskatu dute grebak biztanleen mugikortasunean izan duen eraginagatik: "Gure barkamena adierazi nahi diegu biztanleei, sortutako arazoengatik".
▶️ #Bilbobus|eko langileek agerraldia antolatu dute Bilboko Udaletxearen aurrean, hirugarren #greba egunean
— Bilboko Uriola (@uriolaeus) November 6, 2023
🎙️ "Gure aldarrikapenekin tinko jarraitzen dugu, baita enpresarekin negoziatzeko intentzioarekin ere"@UGT_Euskadi @bilbobus_bilbao pic.twitter.com/eCmVfJXwNU