Zirkulazio aldaketak izango dira Santutxun larunbatean, Sei Izar Herri Krosa dela eta

uriola.eus 2024ko urt. 4a, 19:22
Deskargatu Info Ahotsak :

Sei Izar, Santutxuko 44. Herri Krosa. Argazkia: Bilboko Udala.

Lasterketak urtarrilak 6ko goiza hartuko du; hain zuzen ere, 10:45etik 12:45eko tartean.

Urtarrilaren 6an ospatzen den 44. Sei Izar Herri Krosa dela eta, Santutxuk zirkulazio aldaketak izango ditu goizeko 10:45etik 12:45era.

Lasterketak Iturriaga kalean izango du hasiera eta Basarrate Landan helmuga. Horrekin batera, Ibilbideak auzoko hainbat gune ezberdinetan zehar igaroko da; hala nola, Santa Klara, Zabalbide, Juan de la Cosa, Sagarminaga, Cocherito de Bilbao, Club Deportivoren Zirko Amateurraren kalea, Europa parkea eta Laurencin markesa.

Horrela, lasterketak kaleak zeharkatzen dituen momenetan, inguruko garajeetara sartzeko eta bertatik irteteko mugak zehaztuko ditu udalak. Gainera, herri krosak Iturriaga kaleko 51. eta 61. Zenbakietako aparkalekua okupatuko du eta eragina izango du ere Bilbobuseko ibilbideetan.

Horrenbestez, Santutxuko auzoak kirolez betetako jardunaldia izango du larunbatean. Eragindako aldaketen berri izateko, kontsultatu Bilboko Udaleko webgunean edota 010 telefono zenbakira deitu.

Gizartea