Parte-hartzearen inguruko hausnarketak eta esperientziak izango dira edizio honetako gai nagusiak, migratzaileen integrazioa eta parte-hartze aktiboa sustatzeko, eztabaida irekia errazteko eta gizarte aniztunago bat eraikitzeko helburua izanik.
Nerea Melgosak, Ongizate, Gazteria eta Erronka Demografikoaren sailburuak eta Gorka Morenok, Bizkaiko Campuseko errektoreordeak, emango diote hasiera jardunaldiei. Ondoren, Francisco Torres Valentziako Unibertsitateko irakaslea komunitate multikulturaletan parte-hartzearen inguruan arituko da, eta ondoren, bi mahai-inguru egongo dira: EAEn atzerritar jatorrizko biztanleen parte-hartzeari buruzkoa eta biztanleria migratzaileak gizartean modu aktiboan parte hartzeko dituen erronkei eta lortu dituen lorpenei buruzkoa-
Bigarren egunean, Euskadiko migratzaileen asoziazionismoa eta partehartze sozialari buruzko azterlanaren aurrerapenak aztertuko dira. Beste bi mahai-inguru egongo dira: lehena, parte-hartzea eta mugimendu asoziatiboei buruz, eta bigarrena, espazio publiko eta irekiei buruz. Egunari amaiera emateko ondorioak aztertuko ditu Andrea Ruiz Begirune Fundazioko kideak.