Hautaketa-prozesuan parte hartu nahi duten musika-talde eta bakarlarientzat izen-ematea irekita dago azaroaren 22ra arte, ekimenaren webgunean, metromusika.eus. Musika-talde bateko kide den edonork, edozein delarik ere bere estiloa, eman dezake izena. Izen-emate prozesua gainditzen duten hautagaiek casting fasea izango dute urtarrilaren 27an eta 28an BBK Aretoan.
Ekimena otsailetik martxora bitartean gauzatuko da, eta bertan azken fasera iristen diren artistak zuzeneko ikuskizunak eskainiko dituzte metroko geltokietan. Metro Musika ekimenak publiko zabal eta anitzarekin konektatzeko plataforma eskainiko die musikari hasiberriei zein ibilbide egonkorra duten artistei, metroaren joan-etorrian musika esperientzia aberasgarria bizitzeko aukera emanez.
Metro Bilbaoko zuzendari gerente Eneko Arruebarrenak adierazi duenez, “arteak eta kulturak pertsona guztientzat irisgarri egon behar du; metroak topaleku berezi bat eskaintzen du, eta eguneroko joan-etorrian, artearekin topo egiteko aukera paregabea da”.