BBK Bilbao Music Legends Fest Jaialdia ekainaren 13an eta 14an izango da eta jada salgai jarri ditu dagoeneko lehenengo bonuak. Kaleratze-promozioa urtarrilaren 31ra arte egongo da eskuragarri (egun hori barne), 95 euroko prezioan (+gastuak). Jaialdiaren antolatzailea Dekker Events da, eta BBK Banku Fundazioak eta Bilboko Udalak babesten dute.
Jaialdian egongo diren artisten artean lehen baieztapenak egin dituzte: Alan Parsons Live Project, Lita Ford, Samantha Fish eta Sex Museum egongo dira Jaialdian. Alan Parsons baieztatutako lehenengo kartelburua da. Musikaren ikono ospetsu honek Grammy baten irabazlea da eta 13 izendapen jaso ditu, baita beste sari asko ere. Ia 70 disko argitaratu ondoren, Alan Parsons Live Project delakoarekin etorriko da jaialdira. Hala, Bilboko entzuleek aukera izango dute haren show ikusgarriaz gozatzeko. Antolatzaileek hurrengo edizioaren kartela osatuko duten gainerako izenen berri emanez joango dira, eta, hala, are gehiago sendotuko da jaialdiaren ospea.
Horrela, badator berriro BBK Bilbao Music Legends Fest jaialdia, 2025eko ekainaren 13an eta 14an, Bilbao Arena musikaren eta entretenimenduaren epizentro bihurtzeko. Jaialdiak askotariko entzule grinatsuak biltzen ditu bere programaziori esker: nazioartean, estatuan eta maila lokalean ospea duten artisten konbinazio landuaz. Bi egunetan zehar, musika ez ezik hiribilduak kulturaren alde egindako apustua ere ospatuko duen jaialdia hartuko du Bilbok. Gainera, belaunaldi guztien parte-hartzea sustatzeko konpromisoari eutsiz, sarrera doakoa izango da 14 urtetik beherakoentzat.