Aurten festibalaren inaugurazio-gala Arriaga Antzokian izango da. Proiekzioen eta jardueren egoitzak berriz, Guggenheim Museoa eta Golem Alhondiga zinemak izango dira.
Tu & Yo Produccionesek, EDE Fundazioak eta Silver Revolution Elkarte Kulturalak antolatutako jaialdiak Bilboko Udalaren, Eusko Jaurlaritzaren, BBK Fundazioaren, Bizkaiko Foru Aldundiaren eta Zineuskadiren babesa du.
Zinemaldiak zinema eta kultura gizartea eraldatzeko tresna gisa aldarrikatu ditu. Narratiba nagusiek jendartea kategorizatu eta zatitzen duten garai honetan, zinemak loturak sortzeko eta gizaki gisa aberasteko duen ahalmena nabarmendu du. Belaunaldien arteko harremanaren aldeko apustua eginez, adinak benetan garrantzirik ez duen gizarte bat irudikatzera gonbidatzen du.
S/FF25en irudia Carles Murillo diseinatzaile katalanak sortu du, Alex Ferreiro ilustratzailearekin lankidetzan. Ikuspegi partekatua eraikitzen duen ilustrazio bat oinarri hartuta zinemara, elkarrizketara, lankidetzara eta belaunaldien arteko harremanera darama.