2025eko Euskarazko Literatura Sorkuntzarako Xabier Lete bekaren deialdia zabaldu da. Sendotze-fasean dauden egileei zuzenduta dago beka, eta bere ibilbide literarioa garatzen laguntzea du helburu. Interesdunek apirilaren 10era arte aurkeztu ahal izango dituzte eskabideak.
Lehenengo edizioan, 2024an, beka Eider Rodríguez idazleari eman zitzaion. Aintzatespen hori bi erakundeek talentu sortzailea eta, bereziki, euskarazko kultur ekoizpena babesteko duten konpromisoaren barruan kokatzen da.
Euskarazko literatura bultzatzea
Xabier Lete Beka, 70.000 euro gordinez hornitua, adinez nagusi eta jardunean dauden pertsona fisikoentzat da. Beka jaso duen proiektuaren garapen-aldia hamabi hilabetekoa izango da, laguntza ematen denetik kontatzen hasita, eta lanak amaituta egon beharko du epe hori amaitzen denean. Ekimen honek euskarazko irakurketa eta edukien sorkuntza sustatzeko erakundeen konpromisoa indartzen du.