Bilboko Udalak antolatutako Ipuin Kontalariak Auzoz Auzo programak ekitaldi sorta bat eskainiko du apirilaren 2tik 30era. Haurrei zuzendutako ipuin kontaketek beteko dituzte auzoetako liburutegiak eta udaltegiak, euskarazko kultura eta irakurzaletasuna bultzatuz.
Ekimen honetan hainbat ipuin kontalarik hartuko dute parte, eta gehienak euskeraz izango dira. Hala ere, Abandoko Udaltegian (apirilaren 15ean) gaztelaniaz eta arabieraz ere kontatuko dira istorioak. Liburutegietara joateko izena eman behar da aurrez, baina udaltegietan sarrera librea izango da, lekua bete arte.
Programa zehatza
Apirilaren 2an hasiko da ekitaldi-saila Iralako Liburutegian, eta apirilaren 30ean amaitu Errekaldeko Liburutegian. Tartean, Santutxuko Karmelo Plazan (apirilaren 26) eta beste hainbat auzotako guneetan ere egongo dira ipuin-saioak. Informazio gehiago Bilboko Udalaren webgunean eskuragarri dago.