Bilbo
Maiatzak 15, 18:00etan, Ekonomisten Euskal Elkargoarekin batera, “Gazteen errealitatea ikertuz: gazteen eta gizartearen gaur egungo erronkak” jardunaldia ospatuko dute, belaunaldi berriek dituzten erronka handiei eta politika publikoek haien ongizatean duten zereginari buruzko hausnarketarako gunea.
Topaketan doktoretza ikerketetan oinarritutako bi ponentzia aurkeztuko dira, gazteen emantzipazioa eta finantzaketa publikoaren eredua lurralde ikuspegitik lantzen dituztenak. Amaieran, askaria egingo da, bertaratuen eta hizlarien arteko ideia-trukea errazteko.
Jardunaldia euskaraz izango da, parte hartzeko izena eman esteka honetan.
Lekua: Rodríguez Arias K., 4, 2. ezkerra, Abando, 48008 Bilbo, Bizkaia