Euskalduna Jauregia, Abando - Indautxu
EUSKALDUNA UMEEN BEGIETATIK
Euskaldunak berriz ere ateak zabaltzen ditu bere bitxikeriak eta sekretuak erakusteko abuztuaren 18tik 22ra. Oraingoan, oso bereziak diren doako bisita gidatuak egiteko aukera eskainiko du, haurrei zuzendutakoak. Mari Jaia eta Gargantua Euskalduna Jauregian izango dira, Biltzar eta Musika jauregiari buruz dakiten guztia kontatzeko, euskaraz, eta bere txoko guztiak begirada berezi batetik erakusteko.
Ikuskizun hau Aste Nagusiko giro alaiak inguratzen du, eta aukera paregabea da familientzat Euskalduna Bilbao modu original, dibertigarri eta magikoan ezagutzeko. Plan ezin hobea jaiez barrutik eta irribarre batekin gozatu nahi dutenentzat.