Euriak ez du Bilboko Aste Nagusiko hirugarren eguna geldiarazi. Gaurkoan Sara Fantovak, Jone, batzuetan filmaren zuzendariak, solasaldia eskaini du Kaskagorrin Olaia Aguayo protagonistarekin, eta Irantzu Perez de Anuzita aktore eta Kaskagorriko kidearekin batera. Ondoren, Nize taldearen kontzertua egon da.
Besatlde, gastrogunean pisto begetalaren txanda izan da, eta txikienek gastrotxikiaz gozatzeko aukera izan dute entsalada goxoak prestatzen. Erripan waterpoloa egon da eta Txinpartan Aintzane Arzamendiren ahotsaz liluratuta geratu dira.
Arratsaldeko programazioak denetarik dauka prest: 3. Skate Lehiaketa, puzgarriak, Txoriburu eta Naz kontzertua, gazte karaoke-poteoa, bertsokalejira...