Aste Nagusiaren laugarren egun honetan argi adierazi dute Bilboko Konpartsek ezin dutela burutik kendu Palestinako biztanleen egoera: "Gu jaietan gauden bitartean, Israelgo estatua genozidio latza eragoten ari da, Europako eta inguruan ditugun hainbat instituzioren, erakunderen eta enpresaren oniritziarekin".
Hori dela eta, gaur, hilak 19, Palestinaren bandera irudikatzen duen mosaikoa egingo dute Arriagaren aurrean. parte hartzea "izugarria" izan dela adierazi du Zigorrek, Txori Barroteko kideak.
Horrez gain, hainbat dira Palestinarekin elkartasunean konpartsek egindako adierazpenak. Izan ere, Bilboko Konpartsek Aste Nagusia erabili dute palestinar herriaren erresistentziaren alde agertzeko. Txosnen dekorazioetan, Federazioak sortutako Aaaagur! izena duen boikot kanpainan, han eta hemen eskegitako eta margotutako banderetan eta beste hainbat tokitan ere.