uriola.eus

Mintzapraktikarako Berbalagun taldeak martxan dira Deustualdean

 Deustualdea

2012-13ko Mintzapraktika egitasmoa abian da. Aurtengo izen-emate kanpainarako erabili den bideoko protagonistak Mihiluze saioko Ilaski Serranok eta Kike Amonarriz eta hainbat berbalagun dira. 

Maitasun adierazpen bat, azken hamarkadatan euskaldunon mundura hurbildu eta mundu honetako parte izateko hautua egin duten guztientzako, hautua egiten ari direnentzako. Eta maitasun adierazpen bat, era berean, euskaldunon komunitateko kide izanik, komunitatea handitu eta lagun berrientzako bidelagun lana egin duten eta egiten dutenentzako. Hori baitira mintzapraktika egitasmoak, euskaldunok elkarrekin egoteko eta komunikatzeko sortutako elkarguneak. Maitasunetik sortutako espazioak; hizkuntzarekiko maitasunetik. Eta gune horietan esker ona da nagusi. Euskaraz bizitzeko ahalegina egitea erabaki dutenek euskaldunon komunitatean bidelagun direnekiko esker ona; eta euskaraz bizi garenok, gurekin batera bizitzeko hautua egin dutenekiko esker ona.

Gaur egun, 5.000 lagun ari dira mintzapraktika programetan parte hartzen, 65 herri eta eskualdetan. Astean ordubetez, aisialdian euskaraz aritzeko laupabost laguneko taldeak osatzen dituzte.

Mintzalagun gehienak hiriburuetan edo herri handietan kokatzen dira. Herriaren arabera, berbalagun, solaslagun, mintzakide edo solaskide izenak ere hartzen dituzte mintzalagunek.

DEUSTUALDEKO BERBALAGUNA

Ramon y Cajal, 42

94 447 10 42 (astearte eta ostiraletan 19:00etatik aurrera)

http://berbaizu.org/berbalaguna

deustualdekoberbalaguna@gmail.com

www.mintzapraktika.orgwww.youtube.com/watch?v=nHIzbvXkVhM

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa