Hiru egunetan zehar, feminismoa eta euskara uztartu dituzten jardunaldiak eskaini dituzte Deustun. Hizkuntza, diskurtsoa, komunikazioa eta literatura bezalako gaiak landu dituzte, besteak beste.
Asteazkenean, Sonia Gonzalezek `Askatu ahal gaituzten berbak´ hitzaldia eman zuen Mullerrenean eta ostegunean, Gazte Lokalean, Amaia Alvarezek `Hitzek izkutatzen dutena; diskurtsoa eta generoa deskolonizatzeko tailerra´ landu zuen.
Bukatzeko, ostiralean, bertso-afari feminista egin zuten Herriko Tabernan. Bertan, Jone Uriak eta Miren Amurizak bertsoak abestu zituzten eta hori gutxi balitz, musikariek giroa alaitu zuten. Hitzorduak arrakasta berezia izan zuen asteartetik sarrerak agortu baitziren eta Deustuko kaleetan giro polita sortu zen.