Hurrengo ostegunera arte itxaron behar bada ere, Jai Batzordeak argitaratu du jada sarean aurtengo San Inazioko jaietako egitaraua. Egunez egunezko ekintzak ezagutzeko honako esteka klikatu baino ez da egin behar: https://drive.google.com/file/d/0B1qxlPH_ZGFYS2IzNU1RX2RkNEk/edit?usp=sharing
Laster, paperean, liburuxka formatuan ohi bezala banatuko dute egitaraua auzoko denda eta tabernetan.
Txupina
El Zulo del Amor koadrilari dagokio aurten jaiei hasiera emango dion txupina jaurtitzea iazko koadrilen arteko jolasen txapeldun gisa. Hitzordua uztailaren 24an izango da, 20:00etan, Kultur Etxean. Aurretik, 19:30ean, sardinada eskainiko zaie auzotarrei Pedro Astigarraga plazan. Koadrila eta konpartsek Agirre lehendakariaren etorbidea hartuko dute kalejiran Lebante plazaraino. Bertan, txokolate eta txurro jana izango da goxozaleentzat eta koktelzaleentzat lehiaketa. Gorputzari eragiteko 22:30ean Joxpa taldeak erromeria doinuak plazaratuko ditu.
Lebanteko kontzertuak
Ohi bezala, San Inazioko Lebante plaza izango da kontzertu gune nagusi. Bertatik pasako dira, besteak beste, Joxpa, Bilbao Bboys FTS, DJ Kasper, HKB, Rat-Zinger, Toni Metralla, DJ Samo, Bao Kas 48 eta Patrol Destroyers.
San Inazioko Jai Batzordea
sanikojaiak@gmail.com