uriola.eus

Open Your Ganbara Zorrotzaurreko azoka kolektiboak ateak irekiko ditu igandean hilabetero legez

  Jendartea  Deustualdea

2.000 m² dituen Zorrotzaurreko Artiach gaileta fabrika historikoak beste hilabete batez hartuko du igande honetan Open Your Ganbara azoka. Artista, enpresari txiki, diseinatzaile eta auzokideen elkargune den fabrikan denetarik aurki daiteke.

2009an lagunarteko azoka bezala hasitako egitasmoa auzoko eta herritarrentzako hilabeteroko hitzordua bilakatu da. Orain dela hiru urtetik hona azoka era antolatuan egin dute eta enpresari txiki, lagun, talde eta artisten partehartzea bultzatu dute haien stand edo postuak fabrikan ipintzeko aukera emanez. Erantzuna begi bistakoa da, gero eta jende gehiago bertaratzen da hilabeteko azken igandean merkatua leku duen Artiach fabrika zaharrera. Etxeko trasteak, bigarren eskuko aukera apartak, diseinu berritzaileak, zaharberritutako vintage arropa eta altzariak, osagarriak eta beste hainbat sorpresa gordetzen ditu Open Your Ganbarak.

2014/10/26 09:00 - 15:00

Zorrotzaurreko Artiach fabrika Deustualdea

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa