Mahai-inguruaren ardatza euskarazko musika-kazetaritza izango da. Hala, kazetaritza esparru horretan ibilbide luzea eta oparoa dutenak bilduko dira, hainbat galderari erantzuteko asmoz: Existitzen al da euskarazko Musika Kazetaritza? Nolakoa da Euskal Herriko Musika Kazetaritza? Hemengoari arreta gehiago jarri behar zaio ezinbestez? Musikaz idazterakoan, zeintzuk oztopo ditu kazetari euskaldunak? Internet garaian zentzurik al du Musika Kazetaritzak?
Gai horiek jorratuko dituzte ondoko gonbidatuek: Kazetaritza idatzian, Xabier Sagardia (Entzun! musika aldizkariko koordinatzailea eta kazetaria; Prentsa Idatziaren 2015eko Argia Saria); Telebista eta Irrati Kazetaritzan, Fermin Etxegoien, kazetaria (EITB) eta idazlea; Interneteko kazetaritzan Jon Eskisabel, Badok.info webguneko arduraduna.
Mahai-inguruaren gidaria, Goizalde Landabaso, EITBko kazetaria eta idazlea izango da.
Goian aipatu bezala, mahai-inguruaren ostean, eta liburuaren egunaren kariaz, Rafa Rueda kantariak hainbat euskal poeten poema musikatu batzuk eskainiko ditu kontzertu berezi baten barruan.
Euskarazko musika-kazetaritzari buruzko jardunaldia
Nontzeberri-k bidalita