"Denon artean Herriko Taberna libre eta zabalik" izango da ospakizunaren lema eta beraz, urte osoan aurrera eramandako aldarrikapenarekin aurrera jarraituko dute; Herriko Taberna "libre eta zabalik" nahi baitute auzokideek.
Iazko uztailean Auzitegi Nazionalak, 35/02 sumarioaren baitan, emandako epaiak 20 lagun zigortzeko eta 103 Herriko Taberna konfiskatzeko agindua eman zuen, "ETAren fronte instituzionala" osatzeagatik eta "ETAren egitura" finantzatzeagatik. 2015eko ekainean epaia berretsi zuen Auzitegi Gorenak eta Euskal Herriko 107 taberna eta elkarte itxi eta konfiskatzea agindu zuen, tartean Bilboko 10: Meatza-Abusun, Errondabide-Alde Zaharrean, Goizalde-Bilbo Zaharrean, Goiko Alde-Deustun, Kirruli-Indautxun, Artagan-Santutxun, Uribarri elkartea, Zohardia-Errekalden eta Askabide-Zorrotzan.
Hainbat izan dira, itxiera eta konfiskazioak ekiditeko eta salatzeko egin diren ekimenak. Deustun esaterako, 2015eko uztailaren 2an, argazki erraldoia egin zuten Done Petri Plazan eta ondoren, plazara bertara eraman zuten taberna, musika, jana zein edatekoa eskainiz. Ondoren, uztailaren 4an, egun osoko 'Azken aurreko guda dantza' izeneko jaia antolatu zuten. Azaroan berriz ere kalera atera ziren auzokideak eta hilaren 6an, Akerjenbe Sound Sistemaren kontzertua egon zen, burrito jana eta DJ Kermanek girotutako festa gau partean; hilaren 13an aldiz, manifestazioa egin zuten, poteo musikatua, txorizada eta 22m2 taldearen kontzertua.
Orain, urteurrenaren atarian, aldarrikapen berbera mantenduko dute deustuarrek, Herriko Taberna libre eta zabalik mantentzearen aldarria.
Urteurrenaren egitaraua
Apirilak 21, osteguna
- 19:00. Pintxoak eta eurokaña.
- 20:30. Futbolin txapelketa (izen ematea Herrikoan).
Apirilak 22, ostirala
- 19:00. Herrialde berdea dokumentalaren emanaldia.
- 20:00. Bokatak eta razioak.
- 20:30. Magia ikuskizuna Mikes'k magoaken eskutik.
Apirilak 23, larunbata
- 13:00. Trikipoteoa.
- 15:00. Txotx bertso-bazkaria. Bazkarirako izena eman behar da Herriko Tabernan bertan; eta 15 euroren truke entsalada, indabada eta txerrikiak, zein yogurta intxaurrekin izango dute bertaratzen diren lagunek. Abarkas eta Amaia Iturriotz bertsolariek musika jarriko diote hitzorduari.
- 19:00. Mus txapelketa. Honetan ere izena eman beharra dago.
- 20:00. Bokatak eta razioak.
- 20:30. Presoentzako argazkia.
- 23:00. Musika gaua: DJ Mary
Apirilak 24, igandea
- 11:30. Razioak.
- 12:00. Levante vs Athletic partiduaren proiekzioa.