uriola.eus

Filosofiaren defentsan

  Hezkuntza  Deustualdea

Ez dira garai onenak Filosofiarentzat. Zientzien eta humanitateen arteko zubi den diziplina hau ikasgeletatik urruntzen ari da. Ikasgai honen ordu galerak kezkatuta dauka Filosofiaren defentsan manifestuarekin bat egin duen lagun taldea. Gaur, euren kezka zabalduko dute euskal gizarteko zenbait pertsona ezagunek Bidarte udaltegian. 

Filosofiaren defentsan
Argazkia: www.nontzeberri.com | Ikusi handiago | Argazki originala

Filosofia "ezinbestekoa" dela deritzote Filosofiaren defentsan ari direnek. Gazteek izaera "autonomo, kritiko eta gogoetatsua" gara dezaten ezinbestekoa. Izan ere, "galderekiko maitasuna dogmatismo zein inertzia sozialaren aurkako antidotoa da" Filosofia.

Agora Filosofia Elkarteko kideek kezka horri aurre egitea erabaki dute. Eusko Jaurlaritzaren Hezkuntza Sailari Filosofia ikasgaiarekiko "jarrera aldatzea" eskatzeaz gain, Filosofiarekiko "estimua" herritarrekin partekatzea erabaki dute. Horretarako Bilbo, Donostia eta Gasteizen hitzaldiak antolatu dituzte. Mahai inguru formatuko saio horietan arlo ezberdinetako pertsonak, fisikatik literaturara, parte hartuko dute. 

Lehengo saioan, gaur, hilak 9, Deustuko Bidarte udaltegian 19:00etan, Pedro Miguel Etxenike (Fisikatik), Jose Arregi (Mistikatik), Teresa Maldonado (Gizartegintzatik) eta Pako Aristi (Poesiatik) arituko dira Filosofiaren defentsan.

 

Egutegia

Bilbo: irailak 9, 19:00etan, Bidarte Udaltegia, (Deustu). Pedro Miguel Etxenike (Fisikatik), Jose Arregi (Mistikatik), Teresa Maldonado (Gizartegintzatik) eta Pako Aristi (Poesiatik). Euskaraz.

Gasteiz: irailak 16, 20:00etan, Artium, Sergio Prego (Artetik), Daniel Innerarity (Filosofiatik), Enrique Zuazua (Matematikatik), Mari Carmen Gallastegui (Ekonomiatik). Gazteleraz.

Donostia: irailak 23, 19:00etan, Koldo Mitxelenan. Agustin Arrieta (Filosofiatik), Garbiñe Biurrun (Zuzenbidetik), Xabier Galardi (Erlijio Mitologiatik), Ahoztar Zelaieta (Kazetaritzatik). Euskaraz.

 

2016/09/09 19:00

Bidarte udaltegia Deustualdea

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa