Euskal Herriko hainbat txokotan "denbora luzez askoren ahotan dagoen gaia" da jai ereduarena, eta eztabaida horretan "gure harri koskorra" jarri nahi izan dute Zirikatzen! kolektiboko kideek.
Horretarako lau mahai-inguru antolatu dituzte urriaren 18, 20, 25 eta 27an. "Esposaketa labur batzuk egongo diren arren, ahalik eta eztabaida horizontal, zabal eta parte-hartzaileena" lortzea nahi dute.
Mahai-inguruetan, besteak beste, hizketagai izango dituzte drogak, musika, auzo/herrietako jaiak eta hiriburuetako jaiak.
Partaideen artean jaiak hurbiletik eta barrutik ezagutzen dituzten hainbat lagun daude, esaterako, musikariak eta jai batzordeetako ordezkariak.
Jardunaldi guztiak Deustuko Gazte Lokalean izango dira, 19:00etan hasita.
zirikatzendeustu.wordpress.com
