Belakok 'Over the Edge' genero indarkeria salatzen duen bideoklipa estreinatu du

Belako taldeak Over the Edge bideoklip berria kaleratu zuen atzo. Lan berriak Deustuko Erriberako zenbait txoko erakusten ditu eta genero indarkeria salatzen du.

Bideoklipak protagonista duen neskak gatibu zuten lantegitik indarkeria pairatu ostean alde egitea lortzen du. Hilotzak estaltzen dituzten aluminiozko oihal urre eta zilar koloredunarekin eta aurpegia odolez beteta, Deustuibarreko pasealekutik ibiltzen da, Zorrotza atzean duelarik, eta Frank Geri zubia zeharkatzen du. Metamorfosi prozesu baten ostean, eta neska aluminiozko oihalarekin egindako kirol-jertsea jantzita duela, ihes egitea lortu zuen lantegira bueltatzen da, gainontzeko neskak askatzeko.

Giran

Belako Euskal Herriko musika eszenako talde indartsuenetako bat da. Udan bere gira jarraituko du eta ondoren, Render me numb, trivial violence lana argitaratuko duela iragarri du.

Hurrengo kontzertuak:

08/07/17 MADRIL Mad Cool